पछिल्लो समय निकै चर्चामा रहेको सिता भट्टराईको शब्द रहेको तथा पुर्ण परियारको संगित तथा चर्चित गायक प्रमोद खरेलको स्वरमा ‘को हो आफ्नो’ बोलको गीत युटुबभरि सुन्न सकिन्छ । गीतमा अभिनय गर्ने सानो बाल–कलाकार सहनिष निकै चर्चामा छन् ।
चलचित्र निर्देशक हरि उदासीको कन्सेप्ट र निर्देशनमा बनेको उक्त भिडियोका यी बाल कलाकार भिडियो हुँदै शिव शर्माद्वारा निर्देशित ठूलो पर्दाको चलचित्र ‘कालेदाइ’मा सानो कालेको टाइटल भुमिकामा व्यस्त रहेको कुरा जानकारीमा आएको छ ।
सानै उमेरमा व्यस्त यी कलाकारलाई चारैतिरबाट अफर आइरहेका छन् । रगतमै अभिनय क्षेत्र बोकेर आएका यी बाल कलाकार निकै राम्रा र फुर्तिला देखिन्छन् ।
भर्खर साढे दुई बर्षको उमेर पनि नपुगेका यी बालक कतै आठ बर्षका बालक सौगात बिष्ट निर्देशक बनेर वल्र्ड रेकर्ड राखेजस्तै यही गतिमा गए भने अर्को रेकर्ड पाँचै वर्षमा तोड्ने हुन कि भन्नेबारे चलचित्र नगरीमा हल्ला चल्न थालेको छ । तर यी बालक कस्का छोरा हुन ? यो कुरा गुमनाममै रहेको छ ।
