कालोपत्रे सडक १२ हजार ८९८ किलोमिटर

प्रकासित मिति: १४ श्रावण २०७५, सोमबार ०२:३१

काठमाडौँ । आर्थिक वर्ष २०७२÷७३ मा नेपालको कालोपत्रे सडकको लम्बाइ १२ हजार ८९८ किलोमिटर छ ।
भने आर्थिक वर्ष २०७४÷७५ मा देशभर सवारी दुर्घटनाबाट दुई हजार ३१८ जनाको मृत्यु भएको छ । आव २०७४÷७५ मा नौ हजार ९८९ सवारी दुर्घटनाबाट मृत्यु हुनेमा पुरुष एक हजार ७१३, महिला ३६१, बालक १६० र बालिका ८४ छन् । यस्तै दुर्घटनामा तीन हजार ८०० जना गम्भीर घाइते र सात हजार ५१० सामान्य घाइते भएका छन् ।

ट्राफिक निर्देशनालयका प्रहरीका अनुसार आव २०७३÷७४ को तुलनामा आव २०७४÷७५ मा सवारी दुर्घटनामा कमी आएको हो ।चालकको लापरवाही, यात्रुको गल्ती, उछिन्ने काम, तीव्रगति, मादकपदार्थ सेवन, यान्त्रिक गडबडी, बढी गह्रुँगो सामानका कारण बढी दुर्घटना हुने मरासिनीको भनाइ छ । काठमाडौँ उपत्यकामा १९४, पूर्व क्षेत्र ५१०, मध्यक्षेत्र ६६६, पश्चिम क्षेत्र ५६७, मध्यपश्चिम क्षेत्र २५१ र सुदूरपश्चिम क्षेत्रमा १५६ जनाको मृत्यु भएको छ । आव २०७२÷७३ मा १० हजार १३ दुर्घटनामा दुई हजार छ तथा आव २०७१÷७२ मा नौ हजार १४५ दुर्घटनामा दुई हजार चार जनाको मृत्यु भएको थियो । निर्देशनालयका अनुसार मोटरसाइकल, ट्रक, टिपर, जीप, कार ट्रयाक्टर र टेम्पो बढी दुर्घटना हुने गरेको छ ।

ट्राफिक निर्देशनालयका अनुसार काठमाडौँ, भक्तपुर र ललितपुरमा आव २०७३÷७४ को तुलनामा आव २०७४÷७५ मा सवारी दुर्घटना बढेको छ । आव २०७३÷७४ मा १८२ मृत्यु भएकामा आव २०७४÷७५ मा १९४ जनाको मृत्यु भएको छ । यस्तै आव २०७२÷७३ मा १६६, आव २०७१÷७२ मा १३३ र आव २०७०÷०७१ मा १४३ जनाको मृत्यु भएको थियो । साँघुरो बाटो र तीव्र गतिका कारण उपत्यकामा धेरै दुर्घटना हुने गरेको छ ।

के कारणले हुन्छ दुर्घटना
महानगरीय ट्राफिक प्रहरी महाशाखाका अनुसार मानवीय कारणअन्तर्गत तीव्र गतिमा सवारी चलाउनु र चालकको लापरवाहीका कारण बढी दुर्घटना हुने गरेको छ । पच्चीस प्रतिशतभन्दा बढी दुर्घटना चालकको लापरवाहीका कारण हुने गरेको छ । यस्तै ७० प्रतिशत दुर्घटना घरको ४० किलोमिटर वरपर हुने गरेको छ । तीव्र गतिलाई कम गर्न सके ३० देखि ४० प्रतिशत दुर्घटनामा कमी आउने छ । काठमाडौँ उपत्यकामा हाल साना ठूला ११ लाख तथा देशभर झण्डै ३१ लाख सवारी साधन छन् ।

Bhansar Bivag
Argakhachi Cement