किन बढ्दैछ नाम कहलिएका अस्पतालमा चिकित्सकको लापरबाही ?

प्रकासित मिति: १३ फाल्गुन २०७४, आईतवार १२:१५

चौधरीको नर्भिकलाई जे गर्न पनि छुट

काठमाडौं जोसुकै बिरामी पनि आफ्नो समस्याको समाधानका लागि अस्पताल पुग्छ । उसको आशा हुन्छ कि असपताल पुगेपछि डाक्टरले उसको रोग निको पार्छन र स्वस्थ्य भएर बाँच्न सकिन्छ । त्यसैले त नेपाली समाजमा डाक्टरलाई भगवानको दर्जा दिइन्छ । तर, तिनै भगवान कहिलेकाही दानव बनेर निस्कन्छन र विरामीको ज्यानै लिइदिन्छन । यस्ता घटना नेपालका विभिन्न अस्पतालमा बारम्बार हुने गर्छन । जसमा राजधानी काठमाडौंमा रहेको एउटा अस्पताल भने सबैभन्दा अगाडि छ । जसले अस्पताल जस्तो सेवामुलक र संवदेनशील व्यापारलाई विभिन्न शक्तिको आडमा मान्छे लुटने र ज्यानै लिनेसम्मका घटनाहरु दोहोर्याइरहन्छ । तर, उसलाई न त सरकारको कानून लाग्छ । न त सम्बन्धित निकायकै डर छ । त्यो अस्पताल हो नर्भिक अस्पताल, जहाँ बारम्बार बिरामीमाथिका अत्याचारहरु दोहोरिरहेका छन् ।
यनर्भिक अस्पतालको लापरवाहीको । भगवान मानिएका चिकित्सकको गम्भीर लापरवाही काठमाडौंको नर्भिक अस्पतालमा देखिएको छ । नर्भिक अन्तराष्ट्रिय अस्पतालका डाक्टरले उपचारका क्रममा देब्रे खुट्टा अपरेशन गर्न भन्दै भर्ना भएकी विन्दु पौडेलको दाहिने खुट्टाको घुँडाको अपरेशन गरेको छ । चितवनको भरतपुर महानगरपालिका वडा नम्बर ८ की ३८ वर्षीया पौडेल लिगामेन्ट च्यातिएका कारण उपचार गर्न नर्भिक अस्पताल गएकी थिइन । देब्रे खुट्टाको लिगामेन्ट च्यातिएर राम्रो उपचारका लागि भरतपुरबाट काठमाडौं आएकी पौडेलले डाक्टरको लापरवाहीका कारण दुःख पाएकी छन् । त्यति मात्रै होइन, एउटा खुट्टाको उपचार गराएर निको भएर फर्कने आशामा काठमाडौं आएकी उनलाई अब अर्को खुट्टको समेत उपचार गर्नुपर्ने भएको छ । खुट्टाको लिगामेन्ट अपरेशन सायद हतारमा गर्नुपर्ने अप्रेशन थिएन होला ।
अपरेशनको जिम्मेवारी लिएका डाक्टर पनि अपरेशन कक्षमा खासै हतारो देखाउनुपर्दैन होला ! आँखा चिम्लेर जहाँ पायो त्यही चिर्नुपर्ने । अपरेशन कक्षमा रहेको टीमले सल्लाह गरेर विरामीलाई ठूलो असर नपर्ने गरेर खतरामुक्त समयमा विरामीको अपरेशन गर्नुपर्ने नर्भिक अन्तर्रा्ष्ट्रिय अस्पतालका डाक्टर प्रविण नेपालले भने कतिसम्मको लापरबाही देखाए भने विरामीको समस्या नै मेसो नपाइ देब्रे खुट्टाको साटो दाइने खुट्टा चिरे । अझ कतिसम्म व्यस्तता डाक्टरको भने विरामी समस्या लिएर एकैछिनमा भेटन जाँदा डाक्टर त निस्किसकेका रहेछन । आफूले अपरेशन गरेको विरामीको अपरेशनपछि स्वास्थ्य अवस्था कस्तो होला भनेर उनी फलोअपको लागि पनि अस्पतालमा बस्नुपर्ने होइन र ? यस्तो चरम लापरवाही हुन्छ नर्भिक अस्पतालमा । किन कि नर्भिकमा बिरामीको चिन्ता हुँदैन । हुन्छ त केवल पैसाको । जस्तो मान्छे आएपनि तपाईलाई त यस्तो रोग लागेछ भनेर तुरुन्तै डाक्टरले भर्ना गर्ने, अप्रसन गरिदिने र लाखौंको बिल थमाउने काम नर्भिकले लामो समयदेखि गर्दै आएको स्वास्थ्य सेवा विभागका अधिकारी नै स्वीकार्छन । त्यस्तै नर्भिकमा विभिन्न ढंगले ठगिएका सयौं उजुरी परेपनि कारवाही भने कहिल्यै पनि भएको छैन । नर्भिक अस्पताल चलाउँछ चौधरी गु्रप । नेपालका एकमात्र अर्बपति व्यापारी निोद चौधरीका भाइ बसन्त चौधरीले चालउँछन नर्भिक । अब चौधरी गु्रपलाई नेपालमा कारवाही गर्ने निकाय त छैन नै । अर्को कुरा चौधरी गु्रपले नेपालका केही नेता तथा सरकारी कर्मचारीलाई नर्भिकमा सित्तैमा उपचार गरिदिन्छ र चाहिएजति पैसा गोजीमा भरिदिन्छ । त्यसो भएपछि नर्भिकमा मान्छे नै मारेपनि त्यो मानवीय त्रुटि हुन्छ कि बिरामीकै गल्ती हुन्छ ।
हुन त नर्भिक अस्पताल एउटा मात्रै यस्तो अपराधमा मुछिएको हैन । सेवा शुल्कका नाममा सर्वसाधारण जनतासँग करोडौं रुपैयाँ शुल्क उठाएर ठगी गरेकोमा केही समयअघिदेखि नर्भिक अस्पतालमा छानविन चलिरहेको छ । हाम्रो नीति नियम पनि अजिव छ । एउटा खुट्टाको अपरेशन गर्नुपर्ने ठाउँमा समस्या नै नदेखिएको खुट्टामा अप्रेशन गर्ने डाक्टरलाई अस्पतालले पनि सहजै छुटकारा दियो । यो घटनामा विरामीका आफन्तले पनि गम्भीर लापरवाही देखाएका डाक्टरलाई सम्झौतामा नै छाडे । त्यो पनि दुवै खुट्टाको उपचार निःशुल्क गर्ने सहमतिमा । जिम्मेवार संस्थाले गम्भीर लापरवाही गर्ने डाक्टरलाई बर्खास्त गर्नुपथ्यो की नाइँ ? अनि अस्पताल प्रशासनले पनि लापरवाही गर्ने डाक्टरलाई कारवाही गर्ने कि विरामीका आफन्तलाई आर्थिक प्रलोभनमा पारेर घटनाको ढाकछोप गर्ने ? गम्भिर प्रश्न उब्जिएको छ । संवेदनशील पेशामा आवद्ध डाक्टरले विरामीको उपचारमा लापरवाही गर्दै जाने अनि विरामीको मृत्यु भएमा पनि त्यस्ता डाक्टरलाई छाडदै जाने हो भने नेपालको स्वास्थ्य संस्थाप्रतिको विश्वास कहाँ पुग्छ ? कहिलेसम्म डाक्टर र अस्पतालका मानवीय त्रुटिलाई सर्वसाधारणले सहँदै जाने ?
मानवीय त्रुटिका नाममा कसैले कतिसम्म लापरवाही गर्न मिल्छ ? अझ नागरिकको प्रत्यक्ष जीवनसँग सरोकार राख्ने चिकित्सकको लापरवाही कतिसम्म स्वीकार गर्ने । भगवानको रुपमा हेरिने चिकित्सकको हातमा हरेक नागरिकको जीवन अडिएको हुन्छ । भगवान सरहका डाक्टरको पूर्ण विश्वासमा साथ विरामी र विरामीका आफन्तले कसैको जीवन उसैको भरमा छाडछन् । अति संवेदनशिल पेशाको रुपमा रहेको यो डाक्टरी पेशामा हुने सानो लापरवाहीले कसैको जीवन तथा घरपरिवार नै तहसनहस हुनसक्छ । यस्तै संवेदनशील कार्य भएका कारण नै यो पेशा अँगाल्नेलाई आम नागरिकले भगवान मानेका हुन् । हो प्रयास गर्दागर्दै भवितव्य आउने कुरालाई सजिलै स्वीकार गर्न सकिन्छ तर प्रयास नै गलत भैरहेको छ भने त्यसलाई कसरी स्वीकार गर्ने ? भूलवश हुन गएको भन्दै कहिलेसम्म अस्पताल प्रशासनसम्म धाउने विरामीका आफन्तले ? कहिले विरामीको पेटमै कैँची त कहिले कपडा, कहिले एउटा हातको अपरेशन गर्नुपर्नेमा अर्कै हातको अपरेशन । यस्ता घटनाहरु बारम्बार दोहोरिरहेका छन् । त्यो पनि देशकै सुविधासम्पन्न कहिलएका अस्पताल तथा वरिष्ठ भनाउँदा चिकित्सकहरुबाट ।

Bhansar Bivag
Argakhachi Cement