दिपेन्द्र पौडेल
पाल्पा जिल्ला, रामपुर नगरपालिका वडा नं ८ रानिबास बस्ने आनन्द निकेतन विद्याश्रम विधालयमा कक्षा १० मा अध्ययनरत १७ वर्षका विद्यार्थी सैलेन्द्र अर्याल तीन दिनदेखि बेपत्ता भएका छन् ।
असोज २ गते दिउँसो विद्यालयबाट घर फर्केका अर्याल झोला राखेर घरबाट लगत्तै निस्केका थिए । साँझ सवा ६ बजे रामपुर नगरपालिका ८ को बराहटार खेलमैदानमा फुटवल खेल्दै गर्नुभएका अर्यालका मामा कमल वाग्लेले कहाँ जान भनेर भनेर सोध्दा तलतिर ९कालीगण्डकी बगेको क्षेत्र० इसाराले देखाउँदै हिडेको बताउनुभयो ।
बेपत्ता हुनुभन्दा अघिल्लो दिन स्कुलमा साथीभाई बिच सामान्य विवाद भएपछि असोज २ गते विद्यालयका प्रिन्सिपलले विवाद समाधान गराएको पारिवारिक स्रोतले जनाएको छ । अन्दाजी ५ फिट अग्लो, कोठे सट, पहेँलो र निलो धर्सा भएको टिसट, निलो जिन्स पाइन्ट, कालो चप्पल लगाएका बालकको खोजी कार्यमा सहयोग गरीदिनुहुन उनका बुबा ज्ञानराज अर्यालले सबैसंग अनुरोध गर्नुभएको छ ।
