काठमाडौं । तामाङ समुदायमा व्याप्त छोरा र छोरी बीचको विभेद र शैक्षिक असमानताको विषय समेटेर निर्माण गरिएको तामाङ भाषाको कथानक चलचित्र ‘सेम ताबा म्ही’ (मन पर्ने मान्छे) यहि जेष्ठ १५ गते प्रदर्शनमा आउने भएको छ । राजकुमार मोक्तानद्वार निर्देशित चलचित्रको जेष्ठ १५ गते राष्ट्रिय नाचघरमा प्रिमियर शो हुनेभएको हो ।
छोराछोरी बराबरी हुन् भन्ने मूल सन्देशमा आधारित शैक्षिक चेतनामूलक तामाङ कथानक चलचित्र ‘सेम ताबा म्ही’ (मन पर्ने मान्छे ) को परिकल्पना तथा कथा करिब २ दशक जति नेपाली र तामाङ भाषाको गीत लेखनमा सक्रिय भूमिका निभाएका गीतकार तथा कवि राज कुमार मोक्तानले लेखेका हुन् ।
यस अघि नै अभिप्राय, अभिलाषा, अन्तर्दृष्टि फ्याफुल्ला (तामाङ भाषा), आई लभ यु फरेभर जस्ता गीति एल्वमका रचनाकार तथा शान्तिको अपहरण नामक खण्ड काव्य पनि बजारमा ल्याइसकेका मोक्तानको फिल्म भने यो उनको पहिलो प्रस्तुति हो ।
सुटिंगकै क्रममा धेरै नै खर्चिलो तामाङ फिल्म बन्न लागेको भनेर नेपाली तामाङ फिल्मी बजारमा मात्रै हैन बिदेशमा समेत चर्चा भएको यस चलचित्र अहिले झनै चर्चाको शिखरमा पुगेको छ ।
आफ्नो परिकल्पना र कथालाई, नेपाली र तामाङ गरी झन्डै साढे ३ दर्जन चलचित्रको स्क्रिप्ट लेखिसकेका ऋतुराज पाख्रिन(घना)ले यस चलचित्रमा पनि आफुले सोचेको र चाहेको जस्तो पटकथा र संवाद दिएको बताउँछन राज कुमार मोक्तान ।
पुरै तामाङ भाषा र परिवेशमा तयार गरिएको यस ‘सेम ताबा म्ही’ मा ४ वटा गीत समावेश छन् । कालिञ्चोकको हिँउमा खिचिएको “सेम ताबा म्ही” र “चुदे ज्याबा” रामेछापमा सुटिंग गरिएका “अप्ठ्यारोरी ताजी” र काठमाडौँमा सुटिंग गरिएका “डाँफेमी चिबा” युट्युुवमा सार्वजनिक भैसकेका छन् भने यी गीतहरुमा अमृत लामा, सशिकला मोक्तान, प्रयास दोङ्ग, इन्दिरा गोले, निर्मला घिसिङ्ग, बबिता पाख्रिनले स्वर दिएका छन् ।
मुख्य भूमिकामा ऋतुराज पाख्रीन, सुष्मा थिङ्ग, सहनायक नायिकामा दीपशिखा लामा, सौरब लामा, गंगा मोक्तान,यमर सिङ्ग ब्लोन अरु कलाकारहरुमा राजु नेगी, प्रतिक ङ्गेसुर तामाङ, अनिता तामाङ, उर्मिला दोङ्ग, नानु ग्लान आदि रहेका छन् ।
“प्रिन्स मुभिज एण्ड एक्स्ट्राभेग्यान्जा प्रा.लि.” को ब्यानरमा निर्मित ‘सेम ताबा म्ही’ निर्माता सिद्धार्थ मोक्तान र राज कुमार मोक्तान आफै पनि रहेका छन् । छायांकनमा बिक्रम लामा (मोक्तान), द्वन्दमा राजु तामाङ दोङ्ग, नृत्यमा दिपक तामाङ रहेका छन् भने यसको गीत र संगीत निर्देशक राज कुमार मोक्तानकै रहेका छन् ।
‘सेम ताबा म्ही’ को पूर्ण समीक्षा भने जेष्ठ १५ गते आम दर्शकले दिने छन् र अन्तमा सफलताको कामना गर्दछु सम्पूर्ण युनिटलाई नै । राजकुमर मोक्तानले भने ।
