दिपेन्द्र पौडेल
७ जेठ पोखरा पोखरा लेखनाथ ८ सिमलचौरमा रहेको पिसजोन एकेडेमीमा आइतबार‘ वैशाख महिना विद्यार्थी सार्वजनिक गर्दै नगद पुरस्कारले सम्मान गरिएको छ । हरेक महिनामा एक जना उत्कृष्ट अनुशासित, नियमति र लगनशील विद्यार्थीलाई नगदसहित सम्मान गरिने कार्यक्रम विद्यालयले राखेको छ । पुस्कृत विद्यार्थीको वर्षभरि नै कक्षामा फ्लेक्स प्रिन्ट फोटो राखिने व्यवस्था गरिएको विद्यालयका संस्थापक तथा प्रमुख व्यवस्थापक योगेन्द्र शर्मा दाहालले जानकारी दिए । यु।केजी देखि १० कक्षासम्म प्रत्येक कक्षाबाट हरेक महिना एक एक जनालाई उत्कृष्ट विद्यार्थी घोेषित गर्दै नगद रु पाँचसय र फ्लेक्स प्रिन्ट फोटो कक्षामा टाँसी विद्यार्थीहरुलाई प्रोत्साहित गर्ने शर्माले जानकारी दिए । वैशाख महिनामा उत्कृष्टता प्रदर्शन गर्र्दै सम्मानित हुनेहरुमा यु।केजीबाट सलिना गुरुङ, कक्षा १ बाट श्रीषा भट्टराई, कक्षा २ बाट सुप्रिया पौडेल, कक्षा ३ बाट समीक्षा घले सम्मानित भए । त्यसैगरी कक्षा ४ बाट सौगात कुँवर, कक्षा ५ बाट एन्जल गुरुङ, कक्षा ६ बाट ऋद्धि सुवेदी सम्मानित हुन सफल भए । त्यसैगरी कक्षा ७ बाट तिर्सना सुवेदी, कक्षा ८ बाट रवि कुमार चौधरी, कक्षा ९ बाट इच्छा श्रेष्ठ र कक्षा १० बाट पूजा पौडेल सम्मानित भए । विद्यार्थीका प्रतिभालाई प्रस्फूटन गराउँदै उनीहरुमा रहेका अन्तरनिहित क्षमताहरुलाई उजागर गर्ने सिलसिलामा फरक सोच र शैलीका साथ यो कार्यक्रम अघि ल्याइएको विद्यालयका प्रमुख व्यवस्थापक योगेन्द्र शर्मा दालहलले जानकारी दिए । हरेक महिना उत्कृष्ट विद्यार्थीहरुलाई सम्मानित गर्दै लैजाने विद्यालयले जनाएको छ ।
