काठमाण्डौं । मिस एसईई प्रोविन्स वानलाई एजुकेशन एण्ड माइग्रेसन कर्नरले साथ दिएको छ । एसईई परिक्षा दिएर बसेका छात्राहरुको प्रदेश नम्बर १ स्तरिय प्रतियोगिताका लागि एजुकेशन एण्ड माइग्रेसन कर्नर मुख्य प्रायोजक बनेको हो ।
आयोजक ड्रिम्स वल्र्ड इन्टरटेण्टमेन्ट र एजुकेशन कर्नरबीच मुख्य प्रायोजकका लागि सहमती भएको ड्रिम्स वल्र्डका कार्यकारी निर्देशक सरोज खरेलले जानकारी दिनु भयो । एजुकेशन कर्नरले उच्च शिक्षाका लागि नेपाली बिद्यार्थीहरुलाई अष्ट्रेलीया, युएसए, न्यूजिल्याण्ड, जापान, तथा युरोपिन मुलुकमा पठाउदै आएको निर्देशक सुनिल उप्रेतीले जानकारी दिनु भएको छ । मिस एसईई प्रोविन्स वानको छनौट कार्यक्रम आगामी चैत २८ गते शुरु हुदै छ । यस पटक प्रदेश नम्बर १ का १४ वटै जिल्लाका सहभागी समावेश गर्ने उद्देश्यले बिर्तामोड, दमकसँगै इलाम, बिराटनगर, धरान र इटहरीमा छनौट कार्यक्रम राखिएको ड्रिम्स वल्र्डको प्रवन्ध निर्दैशक प्रणित पुडासैनीले जानकारी दिुन भयो ।
