काठमाण्डौं । रजिना महर्जन पछिल्लो समय चर्चामा रहेको नाम हो । उनी छोटो समयमै अभिनयमा फड्को मार्न थालेकी छन् । उनले अहिलेसम्म लिड रोलमा देखिने अवसर त पाएकी छैनन् तर म्युजिक भिडियोमा निक्कै चुरीफिरी मच्चाएकी छन् । अभिनय क्षमता राम्रो भएकै कारण छोटो समयमै चर्चामा आउन सफल बनेकी छन् उनी ।
‘अहिले हाम्रो समाजले कमेडी र रोमान्टिक बढी खोज्ने भएकाले त्यसलाई सुहाउने रोलमा अभिनय गर्न म तयार छु,’ उनी भन्छिन्, ‘मलाई एउटा राम्रो र सफल कलाकार बन्नु छ । रजिना पनि अहिले आफ्नो लक्ष्यमा पुग्न दिनरात लागि परेकीछिन् ।
सानै उमेरदेखि नृत्यमा रुचि राख्ने रजिना अभिनयमा पनि आफूलाई अब्बल दर्जामा राख्न कोशिसरत छिन् । उनि भन्छिन, ‘अब मोडलिङमै क्यारिअर बनाएर स्थापित हुन्छु र यही क्षेत्रमा आफ्नो क्षमता प्रदर्शन गरेर आफ्नो छुट्टै पहिचान बनाउँछु ।’
