काठमाण्डौ । वरिष्ठ चलचित्र निर्देशक एवम् प्रसिद्ध गीतकार चेतन कार्कीले संगीतकार अतृप्त पाण्डेयको “अतृप्तज्योति “गितीसङ्ग्रहको विमोचन गरेका छन् । विमोचित उक्त गीति एल्बममा समाविष्ट गरिएका पाँच गीतहरूमा शब्द अतृप्त पाण्डेयका छन् भने सङ्गीत एन.बि.“जनकपुरी“ले दिनुभएको छाँगायनमा प्रसिद्ध गायक सञ्जय खड्गीसहित गायिका मेलिना राईले साथ दिएकी छिन । उक्त कार्यक्रममा शब्द ,सङ्गीत र गायनका बारेमा वरिष्ठ गजलकार डा.कृष्णहरि बरालबाट समिक्षात्मक टिप्पणी प्रस्तुत गर्नु भएको थियो भने वरिष्ठ सङ्गीतकार एवम् गायक दीपक जङ्गम ,वरिष्ठ गजलकार बूँद रानाज्यूले “अतृप्तज्योति “एल्बममा सङ्गलग्न हुनुभएका गीतकार,सङ्गीतकार र गायक द्वयहरूलाई शुभकामना दिनुभएको थियो । विमोचन समारोहमा आफ्नो उपस्थिति जनाइदिएर कार्यक्रमलाई गरिमामय बनाइदिनेहरूमा वरिष्ठ सङ्गीतकार राजु सिँह ,वरिष्ठ गायक आनन्द कार्की ,वरिष्ठ नायक रविन्द्र खड्का वरिष्ठ स्रष्टा डा.रामप्रसाद ज्ञवाली ,प्रसिद्ध अमेरिकी पियानो वादक डा.जोन शार्पले भ्वालिन वादक खावाइ जापानी गायिका आकीको सहित वरिष्ठ स्रष्टा पुष्कर लोहनीज्यूको सुखद उपस्थिति रहेको थियो ।
